Дезінфекцію просторів міста зачали в тых днях реалізовати і в Гуменнім. Уж од 7-го апріля містьскы технічны службы стрікали фреквентованы уліці, пішу зону вєдно з южнов частьов Намістя слободы, просторы перед шпытальом, дітьсков поліклініков і пішникы на Станічній уліці. Робітници Справы шпортовых і рекреачных інштітуцій вчера выдезінфіковали заряджіня крізового бываня і утулку. Самосправа о тім інформовала на своїм інтернетовім вебсайті з тым, же з дезінфекційов продовжують днесь і будуть так робити і по Великодню. (TASR, Pkf)