На традічній ромскій процесії в Ґаболтовій в окресі Бардейов, котра одбыла ся вчера 4-го авґуста, брали участь тісячі віруючіх, главні з выходной Словакії. Проґрам, котрого частьов было представліня ромскых пасторачных діл, кулмінував святочным богослужіньом з главным целебрантом кошыцькым архієпіскопом – метрополітом Бернардом Бобером. На 30. річнику події подля секретаря Рады про пасторацію Ромів при Конференції єпіскопів Словакії (KBS) Петра Бешениеіго пришло коло 5000 путників. Тогорічна процесія была присвячена і памятці на особности, котры присвятили  часть свого жывота ромскій пасторації. Споминана процесія ся традічно одбывать першу авґустову неділю. Пришов на ню і уповномоченый влады СР про ромскы комуніты Алексанедер Дашко. (TASR, Pkf)