Зреконштруованы цінтері з першой світовой войны в селі Репеїв в окресі Меджілабірці і в селі Янківці в окресі Гуменне вчера славностно посвятили. Од року 2023 цінтері перешли  обробками, то значіть на обідвох споминаных місцях были выбудованы новы памятникы, котрых частьов суть і мена там похованых вояків. Як про пресаґентуру  TASR повів председа Клубу воєньской історії Бескиды (KVH Beskydy)  Мартін Дробняк, посвячіня приправили в сполупраці зо селами Янківці, Репеїв і Нижня Полянка (окрес Бардійов). Іде о малы войновы цінтері з періоду першой світовой войны, котры суть частьов цівільных сельскых цінтерів. Спискы павшых вояків спрацювали історици з KVH Beskydy. Дослідженя мен зо споминаных цінтерів было частьов черезграничного словацько-польского проєкту в рамках проґраму Інтерреґ. Посвячіня даных місць было реалізуване і в сполупраці з Озброєныма силами Словацькой републикы, котры забезпечіли протоколарны справы при споминаній події. (TASR, Pkf)