В потоці в русиньскім селі Шамброн коло Старой Любовні нашли в неділю дополідне мертве людьске тіло. Як про TASR потвердив офіцір операчного центру Крайского директоріяту Гасічского і ратуючого збору в Пряшові, гасічі были ку акції закликаны коротко по 10.00 год. Веце інформацій ку припаду не повів, но його слова потвердив і ведучій одділіня комунікації і превенції пряшівского крайского поліцайного директоріяту Іґор Павлик. Поліція в даній справі зачала карный процес за запричініня смерти. Причіна і далшы детайлы суть предметом розсліджіня, повів Павлик з тым, же в тім штадію поліція не буде давати далшы інформації.

(Медвідь, TASR)