Лісоохранарске зоскупіня ВЛК вчера заблоковало тяжбу в лісох в праменістій області річкы Лютинка в Черґовскых горах. Як Прес-аґентуру Словацькой републикы інформував його началник Юрай Лукач, стало ся так з многых причин. Тяжба нічить біотопы европского вызнаму і европскы огрожены другы звірины. Меджі них належать і вшыткы другы дятлів і сов, котры ся на даній території находять. Далей тяжба дерева понижує акумулачну і ретенчну способность території і збівшує різіко поводні, што є доказом минулых років. Лісы Словацькой републикы, ш.п., Банска Быстріця реалізують тяжбу на території, котра їм неналежыть а тым способом пошкоджують права сукромных властників і Лісоохранарского зоскупіня ВЛК. “З той причины Лісоохранарске зоскупіня ВЛК подало вчера дві трестны ознамліня і єден поднет на Словацьку іншпекцію жывотного оточіня. Разом з тым ВЛК присшов з вызвов Захраньме Черґов, в котрій жадать зміну лісных господарскых планів про крітічну теріторію долин в кінцях горскых потічків. В протестах в терені буде ВЛК продовжувати до вырішіня сітуації,“ пише ся в становиску лісоохранців.
(Петро Кімак-Фейко)