Сте вырочя скінченя 1. світовой войны сі в суботу в місті Стропків припомянули многыма акціями, єднов з головных было посвятчіня гісторічного воєньского цвинтаря, котрый дало місто обновити. Говорця міста Петро Новак про пресову аґентуру ТАSR повів, же самосправа с підпоров Міністерства внутра СР выбудовала в ареалі і монументалный памятник, Як далі повів, „На цвинтарї є похованых вецей як 700 вояків, з того чісла 380 уж є зідентіфікованых. Памятник предложыла архітектка Ева Кубчійова, таблицю із списком мен предложыв і выробив Петер Беньо“. Дану вызнамну подію собі якраз в Стропкові припоминають з той причины, бо місто і цілый тодійшный окрес были в часі Австрійско-угорской монархії важнов стратеґічнов територійов монархії. од 12. до 15. септембра 1911, ся став Стропков центром воєньского тренованя цілой северовыходной часті Австрійско-Угорска за участі вецей як стотісячового войска.
(TASR)
Фото: TASR