В Стропкові першыраз приготовили тройднёвы рождественны ремеселны торгы на намістю. Културный проґрам є напланованый на днесь і завтра. ,,Передовжінём рождественных торгів на три днї реаґуєме на пожадавкы верейности а віриме, же і тым кроком знасобиме приємну рождественну атмосферу в містї,“  приближыв ведучій одбору школства і културы містьского уряду Тібор Кубічка з тым, же кедь ся новинка уйме, будуть в тім концептї продовжовати і в будучности. Културный проґрам торгів ся зачінать днес і в суботу о 17.00 г. Продай на торгох буде од 9.00 до 18.00 год., станкы з освіжінём будуть до 20.00 год.На торгох ся одбудуть і харітатівны подїї. Ґімназісты сі приготовили харітатівну подїю Рождественны добробаличкы, харітатівный розмір буде мати і Пріматорьскый пунч а доброчінну подїю рихтують і отужілцї з клубу Ондавскы утопенцї.

(TASR, Шутіова)