O дїдовизнї першой світовой войны на теріторії Народного парку Полонины а северовыходного Словеньска діскутовали у четверь на воркшопі в Сташiнї. Цїлём подїї было споїти самосправы, штатны інштітуції і мімовладны орґанізації, жебы діскутовали о ефектівній справі той културной дїдовизны. Як про TASR увела проєктова манажерка Домініка Кусінова, подїю орґанізовала Справа Народного парку Полонины. ,,Проєкт GOV4PeaCE ся напрямує на вытворїня сполочной черезгранічной візії про справованя културной дїдовизны войновых подїй першой світовой войны. Проєкт ся зосереджать на тестованя новых приступів ку дізайну музеїв, вытваряню черезгранічных путей і пiдпорї меджісекторовой кооперації,“ додала Кусінова. Частёв воркшопу было і обознамлїня ся з можностями наукового дослїджованя і ёго аплікаціёв на охрану і справу памяток. Презентованы были тыж успішно реалізованы проєкты напрямены на подїї першой світовой войны.

(TASR, Шутіова)