В Любовняньскім шпыталю зачінають од понедїлька од 7:00 з очкованём сеніорів над 75 років проти захворіню COVID-19. Про TASR то потвердив директор шпыталю Петер Бізовскый з тым, же од середы є спущена можность реґістрації про тоту вікову ґрупу.Бізовскый дале додав, же в шпыталю є заочкованых приближно 65 процент заместнанцїв. Як підкреслиив, около 170 заместнанцїв уж переконало новый коронавірус. Подля слов Бізовского є сітуація в Любовняньскім шпыталю довгодобо стабілізована.

(TASR, Шутіова)