Першый річник Дня народів і народностей Пряшівского самосправного краю проходив в суботу 30-го септембра в Старій Любовні. Подія была присвячена розвитку културы народностных меншын, котры жыють в Пряшівскім краю. В рамках проґраму, котрый обсяговав вернісаж, ґалаконцерт і кройованый поход містом, презентовала ся култура Словаків, карпатьскых Німців, Жыдів, Українців, Ґоралів і Русинів. Русинів презентовав колектів Маковіця із Свідника. Першый річник Дня народів і народностей Пряшівского самосправного краю бы мав быти зачатком довгорічной традіції і його далшы річникы бы ся мали орґанізовати все в іншім місті Пряшівского краю. Тот рік о орґанізацію постарали ся Любовняньскый освітній центер і місто Стара Любовня.
(Петро Медвідь)