В неділю 19-го мая 2024-го року зышли ся в Старій Любовні делеґаты і гості на юбілейнім 15-ім Сеймі Русиньской оброды на Словеньску (РОС), найстаршой пореволучной орґанізації Русинів на теріторії Словацькой републікы. Орґанізація волила на сеймі свої орґаны на далшый функчный трирічный період, де у функції председы быв знову потвердженый Мартін Караш. Окрім того на 15-ім Сеймі РОС рішыли ся і зміны а доповніня єй станов, з тым цільом, жебы орґанізація могла флексібілніше фунґовати з оглядом на новы условії, в котрых жыєме. Жрідло фотоґрафії: FC/LEM.FM (ЛЕМ.ФМ, Пкф)