Цілоплошне тестованя на захворіня COVID-19 ся одбыло в послідній вікенд  знова і в заряджінях соціалных служеб Пряшівского края. Вєдно было отестовано 2524 особ, з того 981 робітників і 1543 кліентів. Опроти попередньому тестованю, друге коло принесло менше чісло позітівных выслідків. Як о тім аґентуру TASR інформовала говоркыня ПСК Даша Єленьова, антіґеновы  тесты захопили 14 припадів нового коронавірусу в шестьох соціалных заряджінях. Додала, же з 25 інштітуцій в компетенції края неґатівны выслідкы  з цілоплошного тестованя голосило вєдно 17 соціалных заряджінь. (TASR, Pkf)