В Снинї, в локалітї Кострубань, де бывать марґіналізована ромска комуніта, быв уведженый до ходу выдайный автомат на питну воду. Як інформує радніця на своїй вебовій сторінцї, автомат быв іншталованый в рамках проєкту Охраньме ся взаємно, котрый є фінанцованый зо средств Уряды влады СР. ,,Проєкт быв реалізованый з цілём злїпшыти приступ жытелїв той комуніты ку безпечній і чістій питній водї, што є ключовый крок ку злїпшіню гіґіенічных і здравотных условій в области,” увела самосправа з тым, же дотація на тот проєкт представлять 15.000 евр. Жытелї были зашколены в ёго хоснованю, приступ ку питній водї будуть мати посередництвом шпеціалных карет.

(TASR, Шутіова)