На рушаня ся по Снині од понеділька мож схосновати і публічны біціґлі. Службу пожычаваня біціґлів спустила самосправа у співпраці з телекомунікачнов компанійов. Ку механічным біціґлям мають в бусдучности прибыти і електрічны. Аґентуру TASR о тім інформовала Михаела Шалахова з Одділіня стратеґічного розвитку містьского уряду. Пожычаваня біціґлів буде ку діспозіції мінімално од 1-го мая до 31-го октобра, в припаді потребы цілый рік як алтернатіва, респектівно доповнюючій тіп транспорту. Од понеділька є ку діспозіції 50 механічных біціґлів, ку котрым має прибыти 20 електрічных. Будовати ся будуть і станіці на ладованя електрічных біціґлів.

(Медвідь, TASR)