Міністество інвестіцій, реґіоналного розвитку і інформатізації Словацькой републікы в тых днях выголосило першы вызвы з новых еврофондів. З проґраму черезгранічной співпраці Interreg з Польщов были выписаны три вызвы на підпору жывота людей в пригранічу. Понад 41 міліонів евр піде в новім еврофондовім періоді на крокы проти дослідків клімматічной зміны, на охрану перед природныма катасрофами, охрану природы, але і на будованя драг, інформовала віцепремєрка і міністерка реґіоналного розвитку Вероніка Ремішова. (ЛЕМ.ФМ, Pkf)