Протягом выкоповых робот в лїснїм порасті в селї Гунківцї в окресі Свідник была в середу (13.3) найджена муніція з періоду другой світовой войны. TASR о тім інформовала говоркыня Крайского директоріату Поліцайного збору в Пряшові Яна Ліґдайова. ,,Місце найджіня было такой забезпечене поліцайнов глядков обводного оддїлїня Поліцайного збору у Свіднику. Кідьже были огрожены і навколїшнї родинны хыжы, у четверь дополідне ся одбыла евакуація скоро 125 людей, жебы не были огрожены іх жывоты. На місце налезу пришов піротехнік Крайского директоріату Поліцайного збору в Пряшові, тот урчів, же іде о совіетьску ракету Ванюша М 31 з гмотностёв веце як 90 кілоґрамів, котра мала пошкодженый запалёвач, “ увела Ліґнайова. Як додала, за міморядных безпечностных опатрінь была муніція пересунута на урчене місце, де буде зліквідована.                                                                                                                                                                                                                                     (TASR,Шутіова)