В селі Убля залляло драгу і пивніці
00
В селі Убля в понедільок дополідне залляла вода з потока Березовчік головну драгу і веце пивніць родинных домів. Як про TASR вчера повів староста Йосиф Фейсак, в селі выголосили третій ступінь зливовой актівности. Шкоды по выллятю потока были на містній дразі, з котрой вода сторгла асфалт, пошкодженый маєток мають і жытелі. В пятьох домах залляло пивніці або котелні, в трьох дворах взяло курник або поскладаны дрыва на зинму. Почас дня сітуація стабілізовала ся і в селі занимали ся головно тым, жебы одсторонити шкоды.
(Медвідь, TASR)
-
Назад / Nazad Сітуацію на желізніці на Спіші скомпліковали попаданы дерева по бурї
-
Далше / Dalše При бурї в Пряшівскім краю засягують гасічі на многых місцях