Днес в предвечур ослав Карпатьско-Дукляньской операції одкрыють  у свідницькім Домі културы панелову выставу документарных фотоґрафій під назвов Од Сталінґраду до Братіславы за участи представителів вельвысланецтва Руськой федерації. В кіносалі Дому културы буде і проєкція войнового філму Сталінґрад од режісера Фйодора Бондарчука. Карапатьско-Дукляньска операція была єднов із найвекшых биток другой світовой войны. Од 8-го септембра дo 27-го oктобра 1944-го року ту загынуло 21 тісяч руськых і тісяч вісемсто чехословацькых бойовників. Окрем Чехів і Словаків то были членове остатніх народностных меншын, гoловно Русины з Підкарпатьской Руси і северовыходу Словакії. Выстава буде одкрыта до 9-го октобра того року.
(Петро Кімак-Фейко)