В суботу 25-го марца проходили доповнюючі комуналны вольбы, котры одбыли ся і в дакотрых русиньсых селах на выході Словакії. В Якушівцях буде найблизшы штири рокы старостков Емілія Касардова (Hlas-SD). Микову поведе Людмила Петрушкова (KDH). В селі Доброслав выграв доповнюючі вольбы Владимір Ванчішін, Михал Прейса (KDH) буде слідуючій період старостом Габуры. Нехваль Полянка собі за старосту выбрала Владиміра Меґелу (Smer-SD). Вольбы наконець не проходили в селі Березовець, Сниньского окресу, а так само в Старині, в окресі Стара Любовня, де на посаду старосты знова нихто не кандідовав.

(Медвідь, TASR)