Скоро 18.000 підписів ся подарило вызберати в рамках петічной акції на зохабліня реґіоналного статусу про шпиталь у Свіднику. Іде о реакцію на плановану оптімалізацію сіті шпиталів. TASR о тім інформувала говоркыня міста Свідник Крістіна Тхірова. В середу минулый тыждень ся подля єй слов  пріматорка Свідника стрітла на теріторії свідницького шпиталю і з председом парламенту НР СР Борісом Колларом і його діректором Славком Родаком. “Арґументовали і предложыли обєктівны факты председові парламенту на зохабліня шпиталю,“ увела Тхірова. Петіція была зачата 17-го септембра. Залучіли ся до ньой різны інштитуції, превадзкы і цілы села в окресох Свідник, Стропків і Меджілабірці. (TASR, Pkf)