В пятніцю 8-го децембра одбуде ся друге засіданя шыршого кругу Языковой комісії при Інштітуті русиньского языка і културы Пряшівской універзіты. Проґрам засіданя Языковой комісії, котра зачне о 10-ій годині на Інштітуті, буде обговоріня змін в правописі русиньского языка. Участниками засіданя будуть представителі русиньскых професіоналных інштітуцій, як Театер Александра Духновіча, Музей русиньской културы і Піддукляньскый умелецькый ансамбель,  редакторы  русиньскых медій  – новинок, розгласу і телевізії, представителі ґрекокатолицькой і православной церькви, русиньскы писателі і іншы Русины, котры при своїй роботі приходять до контакту з писаным ці говореным русиньскым словом.
(А. Кузмякова)