Пряшівскый самосправный край і тот рік приходить із шпеціалныма літніма автобусами. Турісты ся легше дістануть на Домашу, ку Любовняньскому граду, до Пєнін і на северовыход Словакії. Споїня мож выужыти через ціле літо аж до септембра, інформовав Уряд. Автобусы прямо надвязують на черезгранічне влакове споїня на трасі Ржешов Ґловны – Санок – Меджілабірці, і Меджілабірці – Лупків – Санок. К діспозіції суть і влаковы споїня на трасі Попрад-Татры – Стара Любовня – Плавеч – Мушына, і Пряшів – Плавеч – Стара Любовня. До 19-го септембра можуть путуючі выужыти і недільны  влакы на трасі Пряшів – Добшіньска ледова яскыня – Баньска Быстріця і назад, і в часі вікендів Пряшів – Гуменне – Стащін  і назад. (TASR, Pkf)