В Пряшівскім самосправнім краю од вчерашнього дня офіціялні фунґує реґіоналне заступліня Проґраму черезграничной сполупраці Венгрія-Словакія-Румунія-Україна інштрумент европского сусідства ЕНІ 2014-2020. Договор о зряджіню і фінанцовані тзв. Бренч Офіс-у підписали в просторах Уряду ПСК председа Мілан Маєрскый і директор Сполочного технічного секретаріяту проґраму з резіденційов в Будапешті Арон Шакач. Цільом філіялкы Сполочного технічного секретаріяту є інформувати потенціялных інтересуючіх з пограничных реґіонів Словакії о актівітах плануваных в рамках програму, забезпечіти публіціту в рамках релевантной території і опубліковати актуаліты о вызвах на предкладаня проєктів. Філіялка є фінанцована з бютжету призначеного на технічну асістенцію проґраму ЕНІ. Фунґує прямо на Уряді ПСК і є першым зо шести філіялок, котры будуть поступово зряджены в рамках призначеных регіонів.
(TASR)