По порядку уж третю зміну тогорочного бютжету одобрили в середу на засідані представницьтва пряшівскы містьскы посланці. Одобріням даного крочая способило збівшеня бютжету міста в приймові і выдавковій части о приближні 1,9 міліонів евр і цілковый бютжет міста ся такым способом звышыть о вецей як 86 міліонів евр. Ведуча одбору економікы і подниканя Містьского уряду в Пряшові Мартіна Коларчікова повіла, же бютжет могли звышыти завдякы звышку в господаріню за минулый період. Піде о фінанції з выносу дані з прийму у вышкі 308.600 евр, з переведжіня з резервного фонду 1,5 міліонів евр і з мімобютжетного піняжного фонду в сумі 95.000 евр. Місто выділило 95.000 евр на удржбу і актуалізацію паспорту транспортного фонду, што ся дотулять новелізації закона о поземных комунікаціах, котра самосправам збівшыть старостливість о зимну старостливість о пішникы. Посланці до актуалной пропозиції доповнили три зміны. Іде о суму 5.000 евр на освітліня перехіду про ходців на улиці Сабіновска-Мічурінова. До плану інвестичной выставбы доповнили навышіня сумы о 80.000 евр на улиці Матея Мурґаша в части Ніжна Шебастова і мултифункчне ігріско при основній школі на Важецкій улиці о 40.000 евр.
(TASR)