Знижіня поділовых дани в повязаню з коронавірусом є про Пряшівскый самосправный край затля вычіслене на 38 міліонів евр. В понедільок то на бріфінґу повіла ведуча одділіня фінанцій ПСК Даґмар Олекшакова. Як повів жупан Мілан Маєрьскый, хотять утримати головно робітность. Подля Олекшаковой вытраты роснуть головно в повязаню з кроками проти пошырьованя вірусу в соціалных заряджінях, на урядах ці в іншых орґанізаціях, котрых є край зряджовательом. Маєьрскый повів, же найблизшы два рокы подля нього правдоподовно не будуть найвекшыма інвесторами края пріватны фірмы, але публічны інштітуції. За його словами то буде головно Высшый теріторіалный цілок або штат через Словацьку справу драг, може автострады. Зато край хоче выужыти фінанції, котры приходять з поділовых дани, головно на інвестованя до краю, будованя заряджінь і драг, жебы люди мали роботу. Додав, же многы з тых, котры вертають споза граніць, робили якраз в области будованя.

(Медвідь, TASR)