Технічны службы в Пряшові передкладують жадость на міністерство жывотного окружіня о дотацію на зряджіня новой лінкы на згодночованя змесового комуналного одпаду, жебы з нёго вырабляти алтернатівне туге паливо. Жадати будуть о фінанції у вышцї 5,7 міліона евр. Як інформовав директор сполочности Технічных служеб Мілан Тот, лінка має забеспечіти матеріалове і енерґетічне згодночіня одпаду. Має іти о узаперту галу, до котрой ся має перевозити комуналный одпад а наслїдно ся на лінцї спрацує. Механічно роздробить і вытрідить на енерґетічне згодночіня, реціклацію припаднї на складку. Зряджіня лінкы бы принесло успору в накладох споєных з ліквідаціов комуналного одпаду у вышцї коло пів міліона евр рочнї. „При жывотности той технолоґії, котра є 20 років, ся бавиме о 10 аж 15 міліонах евр, котры може місто здобыти тым, кідь ся тот проєкт буде реалізовати,“ додав Тот. Інформацію принїс справодайскый портал Korzar.sk.
(Зденка Цітрякова)