В Пряшові людьом без домова уж по третій раз помагать в бої против холоду такзваный Вішак помочі. Тотраз го можуть найти в центрі міста – коло Ґалерії в Карафовій вязниці. Люде там можуть принести теплы лахы, котры хочуть дарувати. За словами Вікы Поташовой з Обчянского здружіня Подай далей, котре прийшло з данов думков, є важне, абы ся о вішаку дознало што найвецей людей, котры поміч з нього потребують. “Усвідомлюєме собі, же люде без домова недіспонують інтернетом і немають ниякы звычайны приступы к соціалным сітям, прото сьме вырішыли посередницьтвом соціалных працовників забезпечіти розшыріня даной інформації прямо там, де холод такповідано найвецей болить.“ повіла Поташова. Вішак, котрый моніторує містьска поліція, буде людьом без домова к диспозиції до 28. фебруара 2019 рока.
(TASR)