За першых пять днів фестивалю приятельства і добровольницькой актівіты Люблю своє місто ся подарило вычістити 14 локаліт в Пряшові. Залучіло ся до нього скоро 1000 добровольників. Обывателі, котрым залежыть на чістоті свойой околиці, ся шак можуть приголосити і надале. Добровольницькы актівіты будуть тырвати до 5-го юна. Пресаґентуру TASR о тім інформував говорця міста Владімір Томек. Акція ся по першый раз одбыла в 2017-ім року і минулый рік з причіны пандемії захворіня COVID-19 мало павзу. Найсілнішый рочник быв в року 2018, коли до споминаной акції ся залучіло аж 3300 доброволників. (TASR, Pkf)