Молодых людей, добровольників з границь з Українов, як і орґанізації з довгочасовов традиційов оцінили в понеділок, 5-го децембра в Пряшові в рамках призначуваня ціны Крайске Сердце на долоні. Цілково было од верейности приятых 67 номінацій. Пресаґентуру о тім інформував Петер Козак з Пряшівського добровольницького центра (PDC), котре подію орґанізувало. О оціненых вырішыла незалежна оцінююча комісія. Ціны были одовзданы в цілково осмых катеґоріях. Кедь же штирі номінації ся дотуляли тых самых особ і орґанізацій, членове комісії оцінювали 63 номінацій, з котрых выбрали 17 найіншпіратівнішы прибегів. Девять номінацій вырішыла комісія посунути на народне оціньованя добровольників Добровольник рока 2022, котре ся одбуде на будучій рік в марці в Братіславі. (TASR, Pkf)