На попрадьскій желізнічній станіці в понедільок 25-го марца припомянули собі першый транспорт жыдівскых жен і дівчат із теріторії втогдышньгого Словацького штату до лаґру Аушвіц-Біркенау. Ведучій Музея голокавсту Мартін Корчок повів, же споминова подія робить ся каждый рік од 1989-го року. В сучасности за його словами уж не жыє ани єдна жена з того транспорту, послідня вмерла минувшый рік в Філаделфії. Першый транспорт із желізнічной станіці в Попраді одышов до концентрачного лаґру 25-го марца 1942-го року, было в нім майже 1000 жен і дівчат, котры не знали, же їх везуть на смерть. Подля доступных свідоцтв пережыло войну лем приблизно 20 з них.

(Медвідь, TASR)