При Попраді в тім школскім року взникла нова матерска школа в лісі, котру отворили якраз днесь. Вєдно зо заряджіням лісной педаґоґікы, котра фунґує другым роком, є частьов еколокаліты – нововзникаючім місцем на прожываня Красне Саді Млініца, заснованой на принціпах пермакултуры. Як за зряджователя обідвох інштитуцій увів Ондрей Зорічак, главнов думков їх взнику было давати освіту дітям у векшім контакті з природов і з реалным жывотом. За його словами в сучасности є про то сполоченскый інтерес і тот тренд росте главні в шкандінавскых країнах. (TASR, Pkf)