В селі Плавеч в Старолюбовнянскім окресі зреалізують тот рік водозатримуючі опатріня за десяткы тісяч евр. Староста села Петер Шлосас про пресаґентуру TASR потвердив, же цільом проєкту, на котрый самосправа здобыла дотацію з европскых фондів, є захопльовати доджову воду з обслужных теріторій в області містьтной комунікації при цінтерї. Іде о Бернолакову улицю, де будуть опады акумулованы і поступово всякованы через тзв. ссаву ґалерію до акумулачных водоємів. Здобыту воду потім в селі выужыють на заводньованя зеленых теріторій на цінтерї в часі суха. Цілковый келчік на роботы є на уровні 216.000 евр з DPH, причім проєкт фінанцує село з джерел Міністерства жывотного оточіня СР, фондів Европской унії і властного розрахунку. Термін докінченя проєкту є становленый на децембер того рока. (TASR, Pkf)