Mале село Oндавка в окресі Бардейов оставать довго без старосты і сельскых посланців. Ани в суботніх доповнюючіх вольбах о тоты функції в задовженім селі не мав нихто інтерес. „Не быв зареґістрованый жадный кандідат на старосту ани посланця, то значіть же по вольбах зачінать процес подля новелы закона о сельскім зряджіню і піде о злучіня сел,“ повів про TASR предноста ОУ в Бардейові Miрослав Буйда. Новелов закона з апрілія минулого рока ся може село прилучіти до іншого села, кедь тото ани по двох по собі наслідуючіх вольбах не мать заступительство або старосту. Влада го може наряджіньом прилучіти до сусіднього села в тім самім окресі, кедь з тым є сусіднє село согласне. Прилучіня Oндавкы приходять до увагы села Бехерів або Вышня Полянка.  13-го апріля ся одбывали доповнюючі вольбы в селі Руська Поруба (окрес Гуменне), де быв зволеный за старосту Ярослав Мороз, у селі Юркова Воля (окрес Свідник) была зволена за старостку Івета Шкрабова. (TASR, А. Кузмякова)