У Вранові над Топльов продовжують з одстраніньом наслідків злив. В місті є выголошеный третій ступінь зливовой актівности по віторковім інтензівнім доджу, котрый запричінив повінь в містьскій части Чемерне. Єндакый ступінь є выголошеный і в селі Каменна Поруба, Вранівского окресу. Вода пошкодила коло 40 метрів ходника перед основнов школов, пошкоджене є корыто потока, залляло і пивніці в десятьох домах. Як повів староста села Мірослав Яношко, днесь будуть продовжати з ліквідаційов наслідків, потребують оправити і ходник перед школов, де ходить 168 школярів. Другый ступінь є в окресі Вранів над Топльов выголошеный в селах Давідів і Словеньска Кайня. Такый самый ступінь є выголошеный і в Бардейовскім окресі, в селах Мальців, Копривніця і Ливів.

(Медвідь, TASR)