В Меджілабірцях буряють два бітовы домы на Уліцї Дукляньскых героїв. Были в злїм технічнім ставі а невгодны на бываня, што потвердив і статічный посудок. Пріматор міста Владїслав Вішнёвскый про TASR увів, же наклады на демолацію пересїгують 37.000 евр а суть городжены з містьской касы. Роботы бы мали быти докончены до конця будучого тыждня. Замір на збуряня тых бітовок быв уж влони, прекажков было електрічне веджіня. Вішнёвскый уточнив, же веджіня переходили і через будовы. ,,Мусили сьме чекати, покы Выходословацька дістрібучна пересуне свої надземны електрічны веджіня під землю, што ся стало у фебруарі того рока,“ повів. Матеріал взникнутый з демолації буде властництвом міста. Подля пріматора го планують зрецікловати а зась схасновати, наприклад як підклад про праковіска або іншы спевнены плохы.

(TASR, Шутіова)