Ґрекокатолицькы віруючі сі протягом вікенду (19.-20.8.) на путницькім місцї в Лютинї припомянуть 35. юбілей од встановлїня містного храму Успенія Пресвятой Богородіцї на базиліку мінор. Одбуде ся там архієпархіална одпустова славность Пряшівской архієпархії. TASR о тім інформовав єй говорця Михал Павлішіновіч. ,,Протягом обидвох днїв є про путників приготовленый богатый духовный проґрам. В суботу о 18.00 г буде архієрейскій святій літурґії председати владыка Петро Руснак, зарівно оголосить і гомілію. Окрем святых літурґій і можности прияти святость зміріня будуть мочі віруючі брати участь на молитвах святого руженця, акатістів, молебенів, парастасу ці часослова,“ увів Павлішіновіч. В недїлю выверхолить церемонія архієрейсков святов літурґіёв на маріаньскій горі над Лютинов, котру о 10.00г буде служыти владыка Петро Руснак. Гомілію оголосить архімандріта Ярослав Лайчіак, потосінкел Кошіцькой єпархії.

(TASR, Шутіова)