У вакціначнім центрї Шпыталю Аґел Левоча од середы (23.6.) очкують проти захворіню COVID-19 уж і дїти од 12 років. Протягом выгородженого часу за притомности педіатра было заочкованых в першый день 24 дїтей. TASR о тім інформовала говоркыня ґрупы Аґел Мартіна Павлікова. На очкованя ся приголосують інтересуючі посередніцтвом вебу korona.gov.sk, причім сі як можность выберуть шпыталёве вакціначне центрум. ,,Вікову катеґорію дїтей од 12 років будеме очковати в реґуларных інтервалах, а то кажду середу. В припадї потребы знаме забезпечіти очкованя і протягом інакшых робочіх днїв. По очкованю і надале треба дотримовати епідеміолоґічны превентівны крокы в змыслї сучасных наряджінь,“ увела наместнічка директора про ошетрёвательску старостливость Беата Ружбацка.

            (TASR, Шутіова)