Деревяный Ґрекокатолицькый храм св. Михаіла Архістратига в селі Ладомирова, в окресі Свідник, перешов великов реконштрукційов. Належыть до ґрупы восьмых деревяных церьквей Карпатьского облука на Словакії записаных до списку Світовой дідовизны UNESCO. Роботы зачали минулый рік вымінов деревяных шындлів, теперь є практічно цілый обновленый. Як повів містный парох Йосиф Гаврила, іщі бы было потрібне натерти деревяный плот, котрый є в добрім стані, но треба го утримовати. „Деревяный храм в Ладомировій быв збудованый у 1742- ім році, є присвяченый Михаілови Архістратигови. Коло храму є збудована велика дзвініця, в котрій находять ся три дзвоны, якы суть рарітов той церькви. Найвекшый має мено по Михаілови Архістратигови, зготовленый быв у році 1742, як храм. Середній дзвон має мено по св. Петрови і є з року 1927. Найменшый дзвон є з того самого року і має мено по св. Павлови,“ повів Гаврила. Цінный є і пятшоровый іконстас в штылі барока. Реконштрукція была підпорена Міністерством културы в рамках проґраму Обновме собі свій дім.
(TASR)