Новый діаґностічный, превентівный і выскумный центер у четверь славностно отворили у Выходословацькім уставі сердцёвых і жыловых хворот, а.с., в Кошіцях. Сучастёв новой будовы ВУСЦХ є шпеціялна гібрідна операчна сала, нове ЦТ працовиско, біохемія і гематолоґія з пристроёвов техніков, ІІ. Кардіолоґічна клініка чі анґіолоґія. Цїлково взникло 127 новых робочіх місць. Подля ґенералного діректора ВУСХ Фратїшка Сабола, гібрідный операчный сал з роботічным пристроём уможнює подля нёго робити і найтяжшы операції. ,,Є то найвекша кваліта, яка ту в сучасности екзістує,” сконштатовав. Принос розшыреного уставу оцїнила і міністерка здравотницьтва Андреа Калавска (nom. Smer-SD). ,,Тот устав є шпеціялный тым, же ёго спадовость є цїлый выход Словеньска і паціeнт достане на єднім місцї шпічкову і концёву старостливость в рамках сердцёво- жыловых охворінь, таже го уж не мусять никде посылати а суть годни вшыткы діаґнозы, што ся тыкать сердця і жыл, рїшати на єднім місцї. Прістроёва техніка, котру сьме ту могли відїти, є шпічкова, европской кваліты, “ повіла.

(TASR, Шутіова)