По 27-ох роках дочекали ся православны віруючі в селі Бодружаль, в окресі Свідник, свойой церькви. Храм свв. первоапостолів Петра і Павла почас всеночного бдінія в суботу посвятив владыка Ростислав, метрополіта Чеськых країн і Словакії – архієпіскоп пряшівскый, вєдно із владыком Михаілом, православным архієпіскопом Ню Йорку і Ню Джерсі. В неділю проходила торжественна літурґія в новопосвяченім храмі. Владыка Михаіл, котрый поміг із будованьом церькви, на Словакії затримав ся довше, кедже є братранцьом містного пароха Михала Рошіча. На Словакії быв уж од віторка. В понедільок стрітив ся із пріматором Свідника Яном Голодняком.

(Медвідь)