Пo вчерашніх бурках дакотры села в Бардейовскім і Старолюбовняньскім окресі выголосили третій ступінь потоповой актівіты. Як інформовав Маріан Боцак, говорця Словеньского водогосподарьского поднику, стало ся так в селах Грабовець, Гажлін, Ріхвалд, Ґерлахов, Комаров і Шашова в окресі Бардейов, але і в селі Руська Воля над Попрадом в окресі Стара Любовня. Гасічі помагали по доджу і в містах Свідник і Бардейов. Водаре і гасічі моніторують сітуацію в потоках. Мають в терені достаток робітників і техніку, котры ліквідують шкоды по заливах. (TASR, А. Кузмякова)