Нову гематолоґічну і трансфузіолоґічну амбуланцію і зреконштруоване гематолоґічно-трансфузіолоґічне місцне роботы отворили в середу в Шпыталю з поліклініков св. Якуба в Бардеёві. Подля директора шпыталю Маріяна Петка спомянуту амбуланцію дотеперь в шпыталю не мали. ,,Буде то мати великый вплив на якость додаваня здравотной старостливости, затоже будеме мочі омного точнїше діаґностіковати вшыткы кровны хвороты. Розшырило ся то о барз вызначне дїло а то суть пункції костной дренї, што сьме дотеперь не робили,“ повів Петко з тым, же амбуланція є перепоєна з гематолоґічно-трансфузіолоґічным робочім місцём. Амбуланцій або робочіх місць, де реалізують пункції костной дренї, не є на Словакії подля нёго велё.

(TASR, Шутіова)