Вігорлатьска бібліотека в Гуменнім собі в місяці октобер припоминать 100 років од  свого взнику. В часі цілого місяця наплановали різны події, котры будуть кулміновати серіов шпеціалных актівіт в послідніх двох октобровых тыждньох. Як пресаґентуру TASR інформувала Зузана Швецова з одділіня бібліоґрафії і реґіоналных інформацій, події наплановали про дітей, молодеж і дорослых. В часі цілого місяця одбудуть ся наприклад різны лекції, театралны выступліня про школскы інштітуції i колектівна фотоґрафічна выстава з назвом Cesta k portrétu. В часі ослав споминаного выроча Вігорлатьска бібліотека буде мати записне про новых чітателів за десять центів і обновліня записного кінчаючого членьства в бібліотеці буде тыж за десять центів. (TASR, Pkf)