Вже стало звыком, же пряшівскый архієпіскоп і митрополіта на праздник Богоявленія Господа приходить до русиньской парохії Якубяны, Старолюбовняньского окресу, де одслужыть архієрейску літурґію, по котрій наслідує посвячіня містного потока Якубянка. Так тому было і теперь, 6-го януара 2025-го року, коли до Якубян на Богоявленіє першый раз на тій посаді пришов Высокопреосвященый Йона Максим, пряшівскый архієпіскоп і митрополіта. Воду Земпліньской Шыравы  знова посвятив кошыцькый єпарха – архієпіскоп Кіріл Василиь. На берегах Зепмліньской Шыравы находить ся найвекше путницьке місце Кошыцькой єпархії – Клокочів. Владыка Кіріл наперед так само одслужыв архієрейску літурґію в містнім Храмі Успенія Пресвятой Богородіці, по котрій процесія – священици і віруючі на чолі із своїм архіпастырьом, выбрали ся ку берегам Земпліньской Шыравы. Джерело фотоґрафії: Фацебоок/ ЛЕМ.ФМ (ЛЕМ.ФМ., Пкф)