1-ый януар є в меджілабірьскій ґрекокатолицькій парохії і дньом храмового праздника – святого Василія Великого. Тот рік завітав на праздник до парохії Высокопреосвященый Йона Максим, пряшівскый архієпіскоп і митрополіта, котрый одслужыв торжественну літурґію вєдно з містным парохом і деканом Йоаном Блашком, капланом парохії Мартіном Длужанином а Владиславом Петриком, котрый быв колись помічным духовным парохії. Владыка тримав і проповідь, в котрій вказав на дакілько атрібутів покровителя храму – святого Василія Великого. По літурґії наслідовало подякованя і мірованя. Церьков святого Василія Великого в Меджілабірцях была збудована правдоподобно початком 18-го столітя. Богослужіня в ній служать ся на церьковнославяньскім і русиньскім языку.

(Медвідь, ISPA)