На тыхто днях вышла выняткова книга Ореста Зілінского Балады выходной Словакії, Підбескидскы народны балады. Іде о антолоґію народных балад передовшыткым Русинів, жыючіх в реґіоні северовыходной Словакії. Збірка, котра была была складена ші на переломі 60. і 70 років минулого сторіча на жадость Словацького педаґоґічного выдавателя, выходить днесь на Словакії по першый раз. Є складена з 21 тематичных цілків за мотивами і обсягує 485 техтів балад, з них 136 самостатных обсягів і 255 мелодій. Дану книгу выдало Обчанске здружіня Шушлява завдякы підпоры Фонду на підпору уміня. Даный проєкт мать і дальшу етапу свойой реалізації. Як про наше радіо Русин.Фм повіла едіторка даной публікації доц. Татяна Пірнікова з Пряшівской універзіты, „теперь в осени будеме мати такый ціклус під назвом Плаче душа під Бескідом. Піде о одборный семінарь в котрім будуть русиньскы балады представены в шыршім контексті, то значіть балада а баладіцькость як така в уміню а потім друга фаза того проєкту буде в реалізації трьох концертів на котрых ся буде прямо робити з техтами тых балад і їх мелодіями і будуть ся компоновати, але такым нетрадічным способом.“
(Кімак-Фейко)