Выглядкову турню на Дуклі планують одкрыти аж по реконштрукції зачатком октобра. Турня была к діспозиції навщівником од мая до зачатку авґуста. Потім ю про розсяглу плановану реконштрукцію заперьли. Як пресаґентуру TASR інформував діректор Воєньского історічного інштітуту (VHÚ) в  Братіславі Мірослав Чапловіч, же в рамках розсяглой  реконштрукції першого штоку выглядковой турні піде о выміну і доповніня наприклад воздушнотехнічных заряджінь, выміну електроіншталації, обнову вонкайшой фасады, гідроізолації і реконштрукцію атік єднотливых стріх. Предпокладанный келчік на реалізацію планованых робот представлює высше 381 тісяч евр. Як додав Чапловіч, же отворіня выглядковой турні  про публіку є наплановане на зачаток октобра 2024-го року. (TASR, Pkf)