Нове мобілне одберне місце на тестованя обывателів антіґеновыма тестами на захворіня COVID-19 отворили днесь у Вранові над Топльов в просторах містьской бібліотекы. Зрядило го місто в сполупраці з окресным урядом, Словеньскым Червеным крестом і реґіоналным урядом верейного здравотництва. Як інформовала радніця, тестує ся од днешнього дня до середы 23-го децембра, а потім і од 28-го до 30-го децембра, в часі од 8.00 до 12.00 год. Послідній вытер буде одобраный о 11.30 год. О тім, якый буде далшый режім одберного місця в януарі, будуть інформовати кінцьом децембра. (TASR, Pkf)