Місто Воронів над Топлёв сі на дофінанцёваня выставбы містьской шпортовой галы возьме банковый увер в цїлковій сумі 591.000 евр. Містьске заступітельство то схвалило на своїм четверёвім засїданю. З выставбов шпортовой галы в ареалі Основной школы Юг зачало місто в марцу того рока, готова бы мала быти в новембру. На проєкт здобыло місто владным узнесінём учелову дотацію у вышцї 1.750.000 евр. Цїна дїла на основі резултату верейного обстараваня є 2.341.000 евр. На звышных 591.000 евр мімо владной дотації сі місто бере увер зо сплатностёв десять років.

            (TASR, Шутіова)