Войновый цінтерь в селі Янківці в окресі Гуменне проходить обновов. Пошкоджены нагробны памятникы вояків з першой світовой войны вычерять памятник, котрый буде припоминати вшыткых павшых вояків, котры вмерли в споминанім селі. Як про пресаґентуру TASR повів председа Клубу воєньской історії Бескиды Мартін Дробняк, в першій етапі одбыло ся дослідженя, котрого цільом было здобытя мен похованых вояків. Актуалный список доповнили о дани з архівів у Відні, Будапещі і Празі. Як доповнив Дробняк, же найшли дальшых 15 мен павшых вояків. Главні іде о мужів з днешньой теріторії Мадярьска, але тыж Румунії і Сербії. В Янківцях суть похованы і двоє вояци російской армады, котрых мена але непознають. Войновый цiнтерь в Янківцях патрить меджі меншы воєньскы цінтері. До роботы на його обнову ся залучіли добровольници і ремеселници зо Словакії  і Польщі. Обнова цінтеря проходить в рамках черезгранічного словацько-польского проєкту.  (TASR, Pkf)